Eduki hau partekatzeko esteka arbelera kopiatu da.
Pilota hitzorduek ez dute hutsik egingo Pazkoetan, ez amateur mailako jaialdiek, ezta pilotari profesionalek ere. Batetik, datorren martitzenean, hilak 31, jokatuko dituzte Soraluce Lau eta Erdiko Txapelketako bigarren finalerdiak –18:00etan hasita–, eta finalistek ekainaren 7an (18:00) izango dute hitzordu handia.
Hain zuzen, martitzenean jokatu zituzten lehenengo finalerdian dagoeneko bi pilotari sailkatu dira final handirako. Promesa mailan, Iker Egiguren azpeitiarrak 22-12 irabazi zion Aitor Lara errioxarrari. Lehen zatia oso parekatua izan zen, hala ere, azken hamar tantoak erreskadan egin eta finalerako txartela lortu zuen gipuzkoarrak. Nagusien mailan, berriz, Aitor Alduntzinek 22-16 irabazi zion Gaizka Karregali.
Jaialdi profesionala 8an Bestalde, Aspeko pilota jaialdi profesionala ere izango da Bergarako jaietan. Ekainaren 8an izango da jaialdia –17:00etan hasita–, eta oraingoz, Aspekoek baieztatu dute Beñat Rezusta kantxan izango dela.
