Udaberriko Jaiak herri guztira zabalduko du musika

Uxue Igarza Loiola 2022ko mai. 23a, 19:08

39 urte daramatza Bergarako Musika Eskolak herritarrei heziketa eskaintzen, eta hain zuzen ere, herrira zabaltze horretatik sortu zen Udaberriko Jai-Kontzertua duela 33 urte. Pandemiak baldintzatutako bi urteen ostean, berrikuntzekin aurkeztu dute elkarlanean egindako festa.

Domekan, hilak 29, XXXI. Udaberriko Jaiaren baitako Musika Egunak hartuko ditu Bergarako kale eta auzoak. 11:00etan hasiko da egitaraua auzoetan: Dantza Jira izango da San Antonion, Espoloian eta Munibe plazan; biolin eta tronboi taldeak, Bolun, Egino-Mallea plazan eta Irala kalean; eta Kantu Jira trikitilariekin, Matxiategin eta Fraiskozuri plazan.

Ondoren, 12:30ean, musika eskolako hainbat talde eta abesbatzak kontzertua eskainiko dute San Martin plazan, eta eguna bukatzeko, plaza dantzak izango dira 13:15ean.

Antolatzaileek dei egin diete gaztetxo eta gurasoei "abestera eta dantza egitera animatu" eta ekimenetan parte hartzera.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak