Irunen jokatutako Gipuzkoako txapelketaren barruan, Bergarako gimnasia erritmiko taldeak emaitza esanguratsuak lortu ditu. Alebin, infantil, gazte maila eta senior mailan lehiatu dira, taldeka zein bakarka. Ariznoa taldeko entrenatzaile Ainize Lizarralde pozik dago emaitzekin; besteak beste, infantil mailako Noa Lezeta Euskadiko txapelketarako txartela lortu zuen, Itziar Alberdi bigarren geratu zen gazte mailan eta Arianna Burgos onena izan zen senior mailan.
Bakarkako lanei dagokienez, Noa Lezetak bederatzigarren amaitu zuen eta Euskadiko txapelketarako txartela lortu zuen. Gazte mailan, berriz, Itziar Alberdi izan zen izen propioetako bat. Mazoekin lehen postua eta pilotarekin hirugarrena lortu ostean, bigarren geratu zen sailkapen orokorrean. Senior mailan, Arianna Burgos eta Alicia Etxaniz izan ziren protagonistetako bi; Burgosek lehen postua lortu zuen eta Etxanizek bosgarren postua.
Taldekako lanei erreparatuz, alebin mailako talde batek bigarren amaitu zuen.
