Osasun egoerak hobera egin duenean kaleko bizitza berreskuratzearen alde egin du Udalak, eta txarangek sortuko duten jai giroarekin bat egitera deitu ditu herritarrak: "Negu luzearen nagiak kendu, eta udaberriz jantziko dira Bergarako kaleak, Pentekoste jaietarako prestatuz. Bergararrak bertan parte hartzera gonbidatu nahi ditu Udalak, harremanak berreskuratzea, jendearekin alaitasuna partekatzera, bizitzera!".
Hona hemen egitaraua:
11:00-14:00:
- Kittu taldea.
- Orkestra (12:00-14:00).
- Artistas del Gremio (11:00-13:30).
14:00-18:00:
- Gesaltza Txaranga.
18:00-21:00:
- Rockalean.
- Deiadar (Angiozarrera 18:00etan eta 19:30ean, berriro herrigunera bueltan).
- Irulitxa.
Gainera, egun guztian (11:00-23:30) bi food truck egongo dira Seminarioko patioan, eta eserita, mokadutxoa hartzeko aukera izango da.