Azokaren helburua da gobernuz kanpoko erakundeei euren lana ezagutzera emateko gunea eskaintzea eta salmenten bitartez abian dituzten proiektuetara bideratzeko dirua batzea. Euskal Herrian diharduten hamar GKE inguru bilduko dira; hauen artean, Mariaren Lagundiko FISC erakundea. Batzuek euren berri emango dute, baina, beste batzuek, aurrekoaz gain, produktuak ere salduko dituzte eta tailer ezberdinak eskaini.
Herritar guztiak azokara hurbildu eta parte hartzera animatu nahi ditu Mariaren Lagundia Ikastolak. Bi urteren ostean "gogo handiz" antolatu dute ikasturte amaierako jaia eta azoka solidarioa.
