Iker Igarza: "Pozik geratu gara boulder txapelketak eman duenarekin"

Pol-Pol mendi astearen barruan boulder txapelketa egin zuten zapatuan Labegaraietako rokodromo berrian: "30 lagun inguruk hartu zuten esku eta ederto ibili ginen. Pozik geratu gara, bigarren txapelketa izan da, baina lehenengoa rokodromo berrian. Pena, txapelketa bera ikusteko ez dagoela leku askorik, ez dagoela harmailarik. Baina, boulderra egiteko instalazioa ondo dago, amaitzea geratzen da", adierazi du Iker Igarzak.

Bergarako eskaladari bultzada ematen lagunduko dion kirol instalazioa du labegaraietako kiroldegiak, eta atzo txapelketa batekin egin zuten estreinaldia. Izan ere, Pol-Pol mendi astearen barruan txapelketa antolatu zuten: "Herri mailako txapelketa izan zen, ez genuen apartekorik egiteko asmorik baina oso giro ona izan zen eta Pol-Poleko lagunek ekarritako zenbait opari ere zozketatu genituen. Guztira 30 bat lagun ibili ziren eskalatzen, eta gustura geratu gara. Pena da hemen ez dagoela Aretxabaletan moduan txapelketak ikusteko lekua, ez dago harmailarik, baina rokodromoa txukun geratu da".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.