EAren Gipuzkoako Lurralde Batzorde eratu berrian, Iker Intza izendatu dute antolakuntza arduradun

Hasier Larrea 2022ko mai. 7a, 17:19
Iker Intza, ezkerretik hasita bigarrena; eskuineko aldean dagoena Lore Lore Martinez Axpe aretxabaletarra da EH Bilduko legebiltzarkidea

Eusko Alkartasunak EAren Gipuzkoako Lurralde Batzordea eratu du, adinekoen eta gazteen bizi-baldintzak hobetzeko premisarekin. Mikel Arreseigor izango da lurralde-koordinatzailea burua. Garazi Lopez de Etxezarreta, Iñaki Ostolaza eta Joxe Mari Mitxelena izango dira bokalak, Iker Intza antolaketa-arduraduna eta Ione Mugertza Gazte Abertzaleen ordezkaria.

Iker Intza Ortiz de Zarate (Bergara, 1987) administraria eta finantza-arloetako aditua da, eraikuntza eta obra zibileko kargu politikoetan jardundakoa, besteak beste, Bergarako Udaleko Hirigintzako eta Obra eta Zerbitzuetako batzordeetako kide bezala.

Eusko Alkartasunak sortu berri duen EAren Gipuzkoako Lurralde Batzordeko kide izango da hemendik aurrera. Batzorde horren helburua “Gipuzkoak erronka demografikoari bi aldeetatik aurre egitea" izango da. Mikel Arreigorrek adierazi duenez, "alde batetik, gure adinekoei bizitza duina bermatu nahi diegu, gizarte-zerbitzu gehiago eta hobeekin, EAJk egin ohi dituen murrizketa eta pribatizaziorik gabe”.

Gazteek bizi-proiektu bat garatzeko bermeak izatea ere aipatu du: "Horretarako laneko prekarietateari amaiera eman behar zaio eta alokairuaren gehiegizko prezioari aurre egiteko benetako neurriak hartu". Gogoratu du Gipuzkoa dela Estatuko metro koadro bakoitzeko preziorik garestiena duen lurraldea: "Gipuzkoako gazteek ia ezinezkoa dute emantzipatzea eta Eusko Jaurlaritzaren Gaztelagun bezalako programek porrot egin dute”, gehitu du Mikel Arreseigorrek.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak