Rezustak etxean jokatuko du buruz buruko txapelketako bere lehen partida

Hasier Larrea 2022ko api. 19a, 17:50
Bi pilotariak gaurko material-aukeraketan, Bergaran (Argazkia: Aspe enpresa).

Final laurdenetan ekingo dio txapelketari, joan den urtean lau onenen artean sailkatu izanaren ondorioz. Ostiralean, hilaren 22an, jokatuko du ligaxkako lehenengo neurketa Jakaren aurka, Bergarako Udal Pilotalekuan. Jaialdia 22:00etan hasiko da eta sarrerak salgai daude jadanik.

Beñat Rezustak Erik Jaka, Unai Laso eta Iñaki Artolarekin neurtuko ditu indarrak 2022ko buruz buruko txapelketako final laurdenetako ligaxkan. Goi-mailako hiru aurrelari gainditu beharko ditu atzelari bergararrak, beraz, final erdietara iristeko. Iaz gai izan zen hori lortzeko, eta finala ere jokatu zuen Jokin Altunaren aurka, Iñaki Artolaren lesioa tarteko. Amezketarrak 22-5 irabazi zion.

Lehenengoa, herrikideen aurrean

Bergararra eta Jose Javier Zabaleta izango dira lehian jarraitzen duten zortzi pilotarien artean atzelari bakarrak. Rezustak frontoiko giroa alde izango du Erik Jakaren aurkako partiduan, herrikideek, ohi bezala, gogotik animatuko baitute. Jakak beste ezkerti bat, Iker Irribarria, kanporatu zuen atzo, 22-15 irabazita, eta badaki buruz buruko txapela janztea zer den, 2020an lortu baitzuen balentria. Hala ere, Rezusta modalitate horretan iaioa dela erakusten saiatuko da beste behin.

Dagoeneko egin dute material aukeraketa. Jakak 104,5 eta 104,8 gramoko pilota bana aukeratu du, eta Rezustak, astunxeagoak, 104,7 eta 105,5 gramokoak.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak