Ibilbide luzeko margolaria da Manu Muniategiandikoetxea bergararra. 1995ean egin zuen bakarkako lehen erakusketa, eta, harrezkero, Euskal Herrian ez ezik, Espainiako eta atzerriko arte galeria eta arte azoka esanguratsu askotan erakutsi ditu askotariko lanen bildumak, bakarka eta taldekako erakusketetan. Asko dira, era berean, jaso izan dituen sariak ere; horien artean, 2000. urtean Eusko Jaurlaritzaren eskutik Palés izeneko lanarekin jaso zuen Gure Artean izenekoa.
Maiatzaren 14ra bitartean
Gaur, egubakoitza, zabalduko du Donostiako Reina Regente kalean dagoen Altxerri arte galeria ezagunean Duda da dudana-Conflictos paralelos izena duen bakarkako erakusketa berria, eta maiatzaren 14ra bitartean izango dira Bergarakoaren artelanak Donostian ikusgai.