Geldialdiak egin dituzte ikastetxeetan, Ikamak deituta

Gaurko manifestazioa.

Debagoieneko zazpi ikastetxek eten dituzte klaseak, "hezkuntza sistema aldatzeko beharra" azpimarratzeko, eta "balorazio positiboa" egin du eskualdeko Ikamak.  Debagoieneko dozenaka ikasle batu dira gero Bergaran, manifestazioan.



Hezkuntza sistema aldatzeko, ikasleria martxan leloarekin antolatu ditu Ikamak gaurko mobilizazioak. Aurretik zetorren "hezkuntzaren prekarizazioa" pandemiak "bortizki azeleratu" duela dio Ikamak, eta "hezkuntza, gizarteko beste esparru batzuk bezala, krisian dagoela". Salatu dituzte "kontrolerako mekanismoak", eta "pandemiaren ondorioz" sortutako "gaitz psikologikoen aurrean inolako neurririk" hartu ez dela ere bai. Eta gaineratu dute: "Ikasleok aski dela esatera gatoz".

Ikamak jakitera eman duenez, Oñatiko Txantxiku ikastolako eta Bergarako Mariaren Lagundiako ikasleek ez dute greba deitzeko aukerarik izan: "Lehenengo kasuan, arrazoi antzekoengatik hil berean bi greba deitu ezin direla argudiatuta, eta, bigarrenean, paroa deitzeko aukera zuzendaritzak hasieratik baztertu duelako". Eskualdeko Ikamak "bi kasuak salatu eta greba egitea eskubidea dela aldarrikatu" nahi izan du.

Barruko argazkiak: Debagoieneko Ikama

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.