Gaur, egubakoitza –20:00, Seminarixoa–, piano soinuz, kantuz, irudiz, poema errezitaldiz eta argiztapen giro intimoaz osatutako ordubeteko emanaldia egingo dute Izaskun del Cerrok –pianoan– Nerea Zuloagak –kantuan–, Mikel Etxaburuk –poemak errezitatzen– eta Yera Sanchezek –irudiak–. Hain zuzen, Mikel Etxabururen Ahaztu baino lehen, ama poema liburuan oinarritutako emanaldi musikatua da. Sarrerak, 8 eurotan, hemen.
Islabat zapatuan, Seminarixoan
Zapatuan, berriz –20:00, Seminarixoa–, Islabat taldeak kontzertua eskainiko du. Asier Olabarrietak etxean sortutako abesti sorta plazaratuko du eta ondoan izango ditu Andoni Alonso –baterian–, Jesus Jimenez – gitarra, sinteak, klarinetea, koruak– eta Aitzol Mujika –baxua, koruak–. Sarrerak, 8 eurotan, hemen.
