Bergarako Kartzela zaharreko Angiolillo liburutegiak laster hamahiru urte beteko ditu. "Ordutik 65 liburu aurkezpen inguru antolatu ditugu beste ekintza ezberdin batzuen artean. Azken urtean liburutegia berritzen eta txukuntzen aritu gara eta gai sozialei garrantzi gehiago ematea nahi izan dugu. Lana amaitu ondoren, ostegun honetan berrinauguratuko dugu eta larunbatean Fly Shit eta Gaizkiñe taldeen kontzertua egongo da", adierazi dute antolatzaileek.
Fly Shit taldeak 25 urte
Liburutegiaren berrinaugurazioa, eguen honetan izango da, 20:00etan. Zapatuan, berriz, Bergarako Fly Shit taldeak 25. urteurrena ospatzeko emanaldia eskainiko du Andoaingo Gaizkiñe taldearekin batera, 19:30ean. Sarrerak bost eurotan egongo dira salgai.