Pentsiodunen Mugimenduak bat egiten duela osasungintzako eskariekin adierazi dute: "Inbertsio, prestakuntza eta lan-talde handiagoa eskatzen dutenean, are gehiago sisteman sartzen direnak baino profesional gehiago erretiratzen ari direnean, eta langileen adina, batez beste, 50 urte denean". Era berean, aldarrikatu dute osasun publikoa, unibertsala, doakoa, kalitatezkoa eta herritar guztientzako irisgarria.
Azken egunotan piztutako gerra ere salatu gura izan zuten atzoko ekitaldian: "Bakearen eta herrien subiranotasunaren alde gaude. Ukrainaren inbasioari ez, eta errusiar armada berehala erretiratzea da gure eskaera".
Ekitaldi bukaeran, gogoan izan zituzten duela berrogeita sei urte, martxoaren 3an, Gasteizen gertatutakoak: "Poliziak erail zituen bost langile eta ehunetik gora balaz zaurituak izan ziren".