San Pedro elizako organo erromantikoa, instrumentu garrantzitsua hainbat berezitasunengatik, eraberritzera bidaliko dute Lyonera. Desmuntatzen hasi aurretik, bergararrek agur ekitaldi bi antolatu dizkiote. Goizean egin da bat eta organo doinuak oinarri, Erraldoi eta dultzaineroek emanaldia egin dute. Ez da ohikoena Erraldoiak elizan ikustea eta horregatik, eta San Pedroko organoak herriari 133 urtez emandako zerbitzuagatik, herritar asko batu da parrokian emanaldia ikustera.
Arratsaldean beste agur saio bat egingo diote. 20:00retan hasita, Bergarako parrokiako koruak, Musika Eskolak eta Txistulari Bandak eskainitako kontzertua egingo da, San Pedron. Behin agur ekitaldiekin amaituta, organoa desmuntatu eta Lyongo Michel Jurine etxera eramango dute. Gauzak ondo bidean, 2024ko ekainean organo eraberritua Bergaran bueltan izatea aurreikusten dute.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
