Lehendik dagoen espazioa eraberritzen hasi da Bergarako udala. Horren helburua da parkearen egungo eskaintza hobetzea eta dinamizatzea skateboard, roller, bmx eta scooter hiri-kirolen erabiltzaileentzat. 60.000 euroko aurrekontua dute lanek, eta ondo bidean zazpi astetan bukatuko dituzte.
Joan den astean, urtarrilaren 17an hasi zituzten Labegaraietako parkearen berritze lanak. Profil desberdinak dituzten erabiltzaileentzat moldatuko dute, "zirkuitu moldakorragoa eta dinamikoagoa" izan dadin, eta horrela, "espazioa inklusiboagoa" eginez, adierazi dute Udaletik.
Horretarako, lurra leundu egingo dute eta hainbat elementu jarriko dituzte; oztopo berriak eta hormigoizko arrapalak, esaterako. Tirolina aldera dagoen ertz luzean, ostera, hormatxoa jarriko da harri koskorrak skate pistan sar ez daitezen.
Proiektuaren ardura duen arkitektoa Daniel Yabar da, skate parkeetan espezialista, eta hori idazteko Bergarako Gurpildun Oholak skate taldeko ordezkariekin egon da haien iritzia jasotzeko.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
