Bergarako Erraldoi Taldeko kideak Kataluniako Castellbisbal herriko topaketa batean dira

Larraitz Zeberio Lekuona 2022ko urt. 23a, 15:30

Asteburu pasa joan dira Bergarako 30 bat lagun eta Arrasateko bi gaitero talde. Castellbisbal herriko erraldoi topaketan parte hartzen ari dira. Kalejirak egin dituzte atzo eta gaur. Udaletxean ere egin diete harrera.

Gustura dabiltza beste hainbat erraldoi talderekin Bergaratik joandakoak. Bartzelonatik gertu dagoen Castellbisbal herrian daude, eta harrera beroa jaso dute. Udaletxean lehenengo eta herriko kaleetan gero. "Atzo herriko taldearekin ibili ginen kalez kale. Gaur, berriz, zazpi erraldoi talde gabiltza. Guztiak dira kataluniarrak gu kenduta", azaldu dute.

 

Castellbisbal herrian 31. erraldoi topaketa egiten ari dira; 31a trobada de gegants. Bi udaletako ordezkarien artean ere egon da hartu emana. Taldearen egindako harrera ekitaldian izan ziren Castellbisbal herriko alkatea eta kultura zinegotzia, baita ere Bergarako zinegotzi Zihortza Marzan.

 

Gaurko egunarekin emango diote amaiera Castellbisbaleko egonaldiari bergararrek.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak