Erica Liquetek antzezten duen Sorgina Txirulina ipuin kontalariak, 4 eta 8 urte arteko umeei hidrogeno berdeaz hitz egin die. Ipuin kontalariak, bere zeharkako txirularen laguntzaz, ura, eguzkia, zura, gas naturala eta azukrea protagonista dituen istorioa aurkeztu die bertaratu diren 25 haurrei eta haien gurasoei.
Kontalariarena Laboratorium museoan dagoen Hidrogeno berdea. Klima aldaketaren konponbidea? izeneko erakusketaren baitan antolatutako ekintza izan da, eta datorren astean, urtarrilaren 29an eskainiko du bigarren emanaldia.
Klima larrialdiaren aurrean hidrogeno berdeak eskaintzen dituen aukeren berri ematea du helburu erakusketak, eta, errealitate hori haurrei helarazteko bidea ematen du Sorgina Txirulinak. Lurra zaintzearen garrantziaz jardun du Erica Liquetek ordu eta erdiko saioan zehar, eta haurren parte-hartzea bilatu du uneoro: "Lurra gaixorik dago, zer egin genezake? Zuen gurasoek zer egiten dute zuen gaixotzen zaretenean?"
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak