Ahoztar Zelaietak fikziozko pertsonaiekin osatutako kontakizuna darabil erresidentzien errealitateari buruzko ikuspegia emateko. Aurkezpenean azaldu zuen izaera publikoa galdu egin duela erresidentzien sektoreak, pribatizazioaren bitartez, eta nola eta ze epetan gertatu den hori.
Zelaietak salatu zuen, baita ere, pribatizazio horrek kargudun publiko ohiekin lotutako enpresen sorrera ekarri duela, pribatizazio horrek ahalbidetuta, zerbitzuaren kudeaketarako sortuak, sektorea "negozio" moduan ikusita; eta baita politikarientzako "ate birakari" diren Espainiako eta Europako enpresa handien ezarpena ere.
Erresidentzien sektorean diharduten enpresen errentagarritasuna %25aren bueltakoa dela, milioiko euro fakturatzen dituztela eta, horretarako, "erabiltzaile" edo "bezeroak" espekulazio-gai direla dio Zelaietak, eta zaintzaileak, langileak, prekarizatuta lortzen dutela gastuak optimizatzea, erabat feminizatutako sektorean.
