Zaparrada mardulen eraginez Deba ibaiak gainezka egin du. Gainera, Bergaran zirkulazio arazoak ere izan dira hainbat errepidetan. 15:40 inguruan, GI-627 saihesbideko 51. kilometroan lur-jausia izan da. Ondorioz, errepidea itxi egin behar izan dute eta ibilgailuak Osintxutik bideratu. Bestalde, Arrasatetik Kanpanzarrera doan bidea, N-636 ere itxita dago goranzko noranzkoan.
Luizia izan zen atzo gauean Arrasate eta Kanpanzar lotzen dituen errepide zatian, Epeleko zabortegi parean, 28. kilometroan. Duela hilabete gertatutako leku berean izan da eta garbitze lanak egin bitartean itxita dago.
GI-627 saihesbidea ere moztuta dago Osintxu parean, errepidea garbitu artean.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.