Eduki hau partekatzeko esteka arbelera kopiatu da.
Haur Hezkuntzako eraikinaren patioan ipini dute estalpea, eta bergararrek erabili ahal izango dute, eskola orduetatik kanpo. "Beti dira beharrezkoak horrelako guneak herrietan, baina une honetako osasun egoeraren ondorioz, are beharrezkoagoak dira aire librean dauden espazio babestuak", esan du Herritarren Batzordeko presidente Ekaitz Aranberrik.
"Jolaserako eta elkarrekin egoteko" beste gune bat izango dute aurrerantzean bergararrek. Ildo berean doaz, San Martineko Lehen Hezkuntzako eskola komunitatearekin elkarlanean egindako jolas librerako gunea. Horren harira, 2022an, herrigunean, jolaserako gune estalia jartzeko aukera landuko du Udalak.
HHko patioan egindako lanek 151.777,85 euroko aurrekontua izan dute. Kopuru horren %60 Eusko Jaurlaritzako Hezkuntza Sailak emandako diru-laguntzarekin ordainduko da, eta gainontzekoa Udalak ipiniko du.
