"Margoari lotuta jarraitzen duen herri baten tradizioa bizirik mantendu asmoz", 2021eko Gabonetako erakusketa antolatu du Beart Elkarteak. Bihartik eta abenduaren 17a bitarte, margo ezberdinez osatutako esposizioa izango dute ikusgai herritarrek Aroztegi aretoan.
Aroztegitik Bilbora
Margolanak ikusteko aukera, baina, ez da urtea amaitzearekin batera bukatuko. Izan ere, Bilboko Expodistrito programaren baitan, urte berriko lehen hiruhilekoan Bilboko auzo ezberdinetan jarriko da ikusgai Aroztegiko erakusketa bere osotasunean. Hona egutegi eta espazioak:
- Urtarrilaren 11tik 28ra - Abandoko Udaltegia
- Otsailaren 1etik 11ra - Begoñako Udaltegia
- Otsailaren 15etik 28ra - Errekaldeko Udaltegia
- Martxoaren 2tik 15era - Castañoseko Udaltegia
- Martxoaren 17tik 31ra - San Inazio-Ibarrekolandako Udaltegia
