"Batzordean onartutako zuzenketen alderdi positiboak kontuan hartuta ere, indarrean dauden murrizketak berresten ditu. Beste batzuei atea irekitzen die eta pentsio publikoen sistemaren pribatizazioa sustatzen du", adierazi dute Bergarako pentsiodunek eta horregatik lege-proiektu horri uko egin zioten sutara botata: "Uko egiten diogu pentsioen erosteko ahalmena mantentzea bermatzen ez duen lege-proiektua delako. Orain, urteko inflazioaren batez bestekoa aplikatu nahi da % 3 galduz".
Pentsio publikoen eta duinen alde agertu dira, "edonork gobernatuta" ere. Eta gogorarazi dute elkarretaratzeekin jarraitzen dutela astelehenetan; etena egingo dute abenduaren 6an –zubia tarteko– baina 13an berrekingo diete protestei.
