Epaimahaiaren lana errazteko, lehiaketak irauten duen egunetan erakusleihoak argiztatuta edukitzea gomendatu dute: lan egunetan dendak ixteko ordura arte eta jaiegun eta bezperetan, iluntzeko 21:00ak arte.
Honakoak dira parte hartzeko baldintzak:
- Bergarako merkataritza-establezimendu guztiak aintzakotzat hartuko dira lehiaketan, aurrez izena emanda. Izena emateko epea, abenduaren 3tik 13ra bitartean, 943 761016 telefono-zenbakira deituta (komertzio-ordutegian).
- 2021eko abenduaren 8tik aurrera erakusketarako prestatuta egon beharko dute erakusleihoek.
- Sariak ematerakoan, kontuan hartuko da publizitate-mezuaren imajinazioa, originaltasuna, argiztapena, berrikuntza eta eraginkortasuna, erakusleihoaren kalitatearekin batera.
- Erakusleihoetan establezimenduan saltzen diren ohiko artikuluak agertu beharko dira.
- Erakusleihoak apaintzeko gorosti, goroldio, erratz edo izei naturalik ez erabiltzea erregutzen da. Halere, posible izango da lore-haztegi edo loradendetan eskuratutakoak erabiltzea.
- Epaimahaia osatuko dute Herritarren Batzordeak, Bergarako merkatarien Bedelkar elkarteak, Beart Bergarako arte elkarteak eta Gipuzkoako Bazkundeak izendatutako pertsonek.
Lehiaketako sariak hauek izango dira:
- Ziurtagiria eta 300 €
- Ziurtagiria eta 250 €
- Ziurtagiria eta 150 €
- Ziurtagiria eta 50 €. Herritarren saria.
Sari guztiak Udal bonotan banatuko dira, Bergarako komertzioetan gastatzeko. Sari-banaketa abenduaren 17an, ostirala, izango da.
