Eguraldiak gehiegi lagundu ez zuen arren, bergararrek ez zuten hutsik egin eta askotariko aldarriak entzun eta irakurri ahal izan ziren, heldu, gazte zein haurren eskutik. Eguerdiko 12:00etan batu ziren ikasleak plazan, autodefentsa feministaren aldeko aldarriekin. "Covid-19ak gure bizitzak hankaz gora jarri zituenetik, batzuk gaitz honi esleitu dioten arren egun bizi dugun krisi anizkoitzaren ardura, badakigu honek aurretik zetorren kapitalismo heteropatriarkal arrazista basatiaren oldarraldi bat azkartu baino ez duela egin".
