Euskararen erabilera konfiantzarekin lotzen du kanpainak; izan ere, "tokiko merkataritzaren gertutasunak eta betikotasunak konfiantzazko harremana" sortzen du. Hala, kanpainak aurkezten du euskara egunerokotasunean erabiltzeko hizkuntza gisa eta konfiantza sortzeko bide moduan. Era berean, euskararen erabileraren inguruan hausnartzea eta sentsibilizatzea du helburu. Mezua irudikatzeko erabilitako spotak bezeroen eta tokiko merkatarien arteko harremana erakusten du.
Iaz egin zen halako kanpaina lehenenengoz. Oraingoan, modu bateratuan egitearen alde agertu dira erakundeak –Eudel, Uema, Aldundiak…– eta azken bi urtetan egindako koordinazio lana oso modu positiboan baloratu dute. Horregatik, datozen urteei begira, kanpaina denboran iraunkorra eta bateratua izan dadin adostu da denen artean.
Abenduaren 31ra bitartean luzatuko da, eta eremu batzuetan urtarrilean ere mantenduko dute merkealdiei keinu eginez.
