Udalak prentsa ohar bidez jakitera eman duenez, azaroaren 10ean herritarrekin egin zuen bilera irekian aurreratu zituzten "nondik norakoak". Alegazioak hirigintzari eta ingurumenari lotutakoak dira: "Hirigintzari dagokionez, indarrean dagoen Plan Orokorrak ez du jasotzen hondakinen kudeaketarako azpiegitura erabilera, eta beraz, ez dago Larramendi industrialdeko H partzelan onartuta. Bestetik, hondakinen kudeaketaren erabilera ere ez da bateragarria, erabilera osagarri bezala onartuta dagoelako, baina ez erabilera nagusi bezala".
Ingurumen ikuspegitik honako azalpena eman du Udalak: "Kontuan harturik zuhurtziaren eta kautela-ekintzaren printzipioa eta proiektu teknikoaren kaudimenari buruzko berme teknikoen gabezia, horrek gomendatzen du jarduera ez baimentzea, gertuan daude-eta etxebizitzak eta bizitegi-auzoak. Osatzeko edo zuzentzeko hainbat alderdi ere proposatzen dira".