Santa Zeziliaren omenez Bergarako bandak eman duen kontzertuan gozatua hartu dute udal pilotalekura hurbildu diren bergararrek. Egitarautik aipatzekoa izan da Enrike Txurruka zuzendariak berak 2020an konposatutako Pandemia pieza estreinatu dutela; frontoiko beheko harmailak bete dira beste behin.
Honako pieza hauek izan dira protagonista gaurko egitarauan: Alfredo Gonzalez Chirlaqueren Añoranza (2003), Ludwig van Beethoven-en Egmont, Miguel Gonzalez Bastidaren Ezpatadantza (1977), Enrike Txurrukaren Pandemia (2020) eta Arturo Marquezen Conga del fuego nuevo (2005). Egitarautik harago, baina, izan da beste piezarik; adibidez, Xabi Solanoren Erre zenituzten abestiaren moldaketa.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.