Parte hartu duen pertsona bakoitzak, ordu laurden baten, euskarazko hainbat esaldi grabatu behar izan ditu. Common Voice izeneko ekimenaren baitako proiektua da hori eta horren baitan, munduko hizkuntza mordo baten garatzen ari dira teknologiak. Helburua da euskarazko teknologia indartsuak lortzea, ordenagailuei adibide mordoa emanez, eta sistema adibide horien gainean ikasten jarriz. Hala, helburua da, adin, tonu eta euskalki desberdineko jende pila baten ahotsez osatutako datu-basea egitea.
Izan ere, mundu digitalak geroz eta presentzia handiagoa du eta horrako saltoa egiten ez duen hizkuntzak etorkizun beltza izango du. Horretaz jabeturik, esan moduan, gaur, 85 bergarar batu dira euren ahotsez euskarazko esaldiak grabatzera. Bi izan dira egitekoak: ahotsa grabatzea batetik, eta beste batzuek egindako grabaketak balidatzea, bestetik. Gainera, antolatzaileek herritarrak ere animatu gura dituzte nork bere etxean tarte bat hartuta, proiektuari ekarpena egitera. https://commonvoice.mozilla.org/eu webgunean sartuta egin daiteke hori.