Ekitaldian Bergarako alkate Gorka Artolak, Bide azpiegituretako diputatu Aintzane Oiarbidek, UNED Bergarako zuzendari Iñaki Esparzak eta UNED zentroko errektoreorde Jesus de Andresek jardun dute.
Gaurkoan, UNEDek publikoki aitortu nahi izan ditu bertako ikasleen ahalegina eta borondatea. Hala, tradiziozko inaugurazio-hitzaldian, “Nire esperientzia UNEDeko ikasle gisa” izenekoan, haiek izan dira protagonista. Ekonomia Graduko Martín Aranda, Administrazio Publikoetako Zientzia Juridikoak Graduko Ainara Sánchez eta Geografia eta Historia Graduko Jabier Elduaien ikasleek eman dute hitzaldia, eta bertaratuekin partekatu dituzte ikasketetan izan dituzten bizipenak, bai eta tituluak lortzeak euren bizitza pertsonal eta profesionalerako ekarri dizkien onurak.
Bergarako Musika Eskolako Hari Taldearen emanalditxoarekin eman zaio bukaera ekitaldiari.
