Euskaraz izango gara leloa aukeratu du aurten Danobatgroup kooperatiba taldeak Euskararen Nazioarteko Egunaren bueltan antolatu ohi duen lehiaketarako. Lehiaketa kooperatiba taldeak lantegiak dituen herrietako herritarrei zuzenduta dago eta, beraz, bergararrek parte hartu ahalko dute. Nola? Ondorengo webgunean sartu beharra dago.
Erantzunak Danobatgroupeko webgunean aurkitu ahalko dira. Horretaz gain, industria arloan euskararen erabileran laguntzen duen hitz teknikoz osatutako hiztegia eskura dago. Hiztegian hitz berriren bat sartzeko proposamena egiteko aukera ere ematen du. Azaroaren 30era arteko epea dago lehiaketan parte hartzeko, eta abenduaren 3an erantzun zuzena eman dutenen artean honako sari hau zozketatuko dute: gaua eta gosari ederra bi pertsonarentzat Bizkaiko zuhaitz-etxe baten.