'Berbalagun ibiltariak' egitasmoan izena emateko aukera zabalik

Berbalagunak egitasmoko parte hartzaileak, irteera batean.

Berbalagun ibiltariak egitasmoa jarriko dute martxan Bergaran; paseotxo bat eman bitartean euskara praktikatzeko aukera eskaintzen duen Berriketan egitasmoko aldaera. Azaldu dutenez, 3-4 lagunetako taldeak osatu eta talde bakoitzak erabakiko du paseatzen zein ordutan eta nora joan nahi duen.

Jardun euskara elkartetik herritarrak animatu dituzte egitasmora batzera: "Euskaraz hitz egin nahi baduzu, euskaraz hitz egin nahi dutenei aukera eta laguntza eman nahi badiezu, zatoz!".

Izen ematea Jardunen bitartez egin daiteke, 943 76 36 61 edo 605 71 24 69 telefonoetara deituta edo jardunkultura@gmail.com helbidean.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.