Bidegi foru sozietateak AP-1 eta A-636 Beasain-Bergara autobideei zerbitzua emango dien errepideen artapen zentro berria egiteko lanekin jarraitzen du Bergaran. Hori dela eta, datorren larunbatean, urriak 24, goizeko 06:00etatik, igandean, iluntzeko 22:00etara GI-627 errepidea itxita egongo da, errepide horren bi aldeetan dauden bi lurzatietan joango diren zerbitzu eta instalazioetarako kanalizazioak lurperatzeko.
Errepidea itxita egongo da Ondartzako biribilgunetik GI-2632 errepidearekiko lotunera doan zatian. AP-1 autobideko ordainlekura sartzeko bidea zabalik egongo da, eta lanek irauten duten bitartean, trafikoak Amillaga industrialdetik eta GI-2632 errepidetik desbideratuko dira. Desbideratzea seinaleztatuta egongo dela jakinarazi dute Aldunditik.