Gaur bete ditu 101 urte Maria Urzelai Iturricastillok. Iaz, COVID-19ak eragindako osasun egoeragatik ezin izan zuen ospatu ehungarren urteurrena, eta gaurkoan Gorka Artola alkateak eta Zihortza Marzan Ongizate zinegotziak lore-sorta eta oroigarria eman dizkiote bergararren izenean.
Bergaran sortu zen 1920ko urriaren 17an. Lau seme-alaba izan ditu eta emakume lasaia eta alaia dela diote ingurukoek. 2015. urtetik Mizpirualde Egoitzan bizi da eta Mizpirualdeko arduradun eta langileek ere lore-sorta oparitu diote. Familiartekoak ere berarekin ditu gaur, eta hain zuzen ere egun berezia ospatzeko bisitan joan zaizkio 20 senitarteko baino gehiago, eta elkarrekin ospatuko dute eguna.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.