Atzoko kontzertura begira, programa euskalduna eskaintzen saiatu zirela azaldu du Pascualek eta horretarako Belle Époque garaiko konposatzaile donostiarren –bat salbu– piezak jo zituzten. Kontzertuak izandako harreraz galdetuta, herritar ugari gerturatu zirela azaldu du, eta egindako lanarekin "gustura" agertu da organo-jolea.
Datorren astean ere, beste kontzertu bat Santa Marinan
Azpeitian, Azkoitian eta Bergaran dauden organo erromantikoen balioa herritarren artean zabaltzeko helburuarekin elkartu ziren, orain dela 22 urte, hiru herrietako udal ordezkariak, eta hala abiatu zuten Fray Joseph de Echevarria Organoaren Adiskideen Elkartearekin elkarlanean nazioarteko jaialdia.
Hala, Bergararen kasuan aurtengo zikloari amaiera emango dion kontzertua datorren zapatuan eskainiko dute Santa Marinan; Mirian Ulanga eta Roberto Nuño izango dira.