"Etxean maila ona ematen ari gara, baina kanpoan hobetu beharra daukagu", adierazi du Aitor Elorriagak, Bergarako bigarren entrenatzaileak. "Bi partidu jarraian irabazi behar ditugu, konfiantza irabazi eta sailkapenean gora egiteko".
Mondrak, garaipena
Kategoria berean, Gizonezkoen Ohorezko Erregional Mailan, Mondrak 2-0 irabazi dio Real Unioni eta sailkapeneko bigarren postuan kokatu da, hamar punturekin. Aloña Mendik emaitza berarekin galdu du Eibarren aurka (2-0) eta UDAk bihar, domeka, jokatuko du Ibarran, sailkapeneko azken postuan dagoen Amaikak Bat taldearen aurka, 16:30ean.
Leintz Arizmendik, bihar
Emakumezkoen Ohorezko Erregional Ligan, Leintz Arizmendik bihar jokatuko du, Eibarren aurka, 15:30ean, Unben.
