Gau Beltza berreskuratzeko askotariko ekintzak antolatu dituzte urriaren 20tik 31ra. "Eredu parte hartzaile baten bidez" ospakizuna indartu nahi dute, eta zeharka beste helburu batzuk ere landu: "Euskararen erabilera indartzea, festa erakargarri baten bidez; berdintasuna bermatzea; inklusibitatea lantzea; herriko tradizioak ezagutzea eta berrasmatzea; heriotzaren inguruko emozioak lantzea; Gau Beltza zer den, nondik datorren eta haren balioak lantzea; euskal identitatea lantzea; herriko umeak eta nerabeak festaren protagonista izatea; eta ospakizuna elkarrekin sortzea, herritarren partaidetzarekin".
Ekimenean parte hartzeko honako eragile hauekin egon dira Jardunekoak: Bedelkar, AIDAU haurren zerbitzua, Bergara Herri Hezitzailea, Txapa irratia, Musika Eskola, San Joxepe Elkartea, Ugutz Tours, gaubeltza.eus eta Ndank Ndank.
GAU BELTZA BERGARAN: EGITARAUA
Urriak 20, eguaztena
Arimen kandela: misterio jolasa familian
Gau beltzaren jatorria landuko da.
LH 3-4-5-6 zuzenduta
AIDAU haurren zerbitzuan. (Oxirondo azokako 1.solairuan). Bi txanda izango dira: 17:15etik 18:15era lehena, eta 18:30etik 19:30era bigarrena.
Urriak 27, eguaztena
Sukaldaritza familian
Adin guztietarako (haurrak heldu batekin)
Udazkeneko barazki eta fruituak erabiliz hainbat errezeta prestatuko ditugu.
AIDAU haurren zerbitzuan. Txanda bakarra egongo da: 17:30etik 19:30era.
Urriak 22, 29 (egubakoitza): 17:30
Urriak 23, 30 (zapatua): 11:00
Gau Beltzean girotutako tailerrak, umeendako: kuiak hustekoa, makillajea eta mozorro tailerra… San Martin plazako arkupeetan.
Urriak 30, zapatua
18:30 Kalabera abestia Musika Eskolarekin eta ondoren txokolatea San Joxepe elkartekoen eskutik San Martin plazan.
19:30 Gau beltzeko kalejira eta Deabru Beltzak taldearen “Su danborrak”.
Urriak 31, domeka
Bautista Legenardunaren bisita gidatua
21:00 Euskaraz
23:00 Gaztelaniaz
Doan. Plaza mugatuak. Izena emateko: ugutztours@gmail.com edo 695 75 34 30