Epeletik Osintxurainoko erreka tartea garbituko dute, Bergarako Erreka Garbiketa Batzordeak egindako deialdiari jarraituz. Ekimenak Bergarako Udalaren laguntza du. 09:30ean elkartuko dira taldeak hiru gunetan: Labegaraieta kiroldegian, Osintxun eta Seminarioko patioan. Antolatzaileek bizikletaz hurbiltzeko gonbidapena egin diete herritarrei.
Hiru bide izena emateko
Izen ematea: urriaren 14a baino lehen egin behar da. Hurrengo bideetatik:
- Agorrosinen: harreran edo telefonoz.
- E-postaz: errekagarbitzeko@gmail.com
- Inprimaki honetan izena eman.
Erreka hainbat zatitan banatuko da eta talde bakoitzak zati bat garbitzeko ardura izango du. Talde bakoitzeko arduradun bat egongo da.
Izena ematen duten 14 urtetik gorako parte-hartzaileek asegurua izango dute. 14 urtetik beherakoek ere parte har dezakete gurasoen (edo helduen) erantzukizunpean.
Gomendioak
Arropa zaharra jantzi. Oinetako egokienak mendiko bota zaharrak edo zapatila zaharrak dira, orkatilak ondo lotuta izan eta bihurrituak saihesteko. Garbiketarako materiala Udalak jarriko du baina animatu eta ekarri etxean dituzuen eskularru, guraizeak…
Elkartzeko guneak
Elkartzeko hiru gune aurreikusten dira. San Antoniotik Epelera bitarteko tartea garbitu behar dutenak Labegaraietako kiroldegian (bizikletak ekarri tramuetara joateko) elkartuko dira. Erdigunea, Poligonoa eta Mekolalderainokoak (bizikletak ekarri), Seminarioko patioan. Osintxu ingurukoak, Osintxun bertan.