90-25 emaitzarekin irabazi du IDK Euskotrenek Bergara Hiria emakumezkoen txapelketa. Partidu motza izan da, lehia gutxikoa. Kategoria ezberdinetan jokatzen duten taldeak direla argi ikusi da Labegaraietako norgehiagokan.
Emakumeen saskibaloia bultzatzea
Ion Beistegi pozik zegoen partiduak eman duenarekin: "110 bat lagun etorri dira partidua ikustera, eta giro polita egon da. Helburua bete dugula esan daiteke, jendea pozik geratu da eta kiroldegi berria izateak ere laguntzen du".
Partidu amaieran sariak banatu dituzte: Aitor Aranzabal zinegotzia, Iñaki Ugarteburu teknikaria eta Marian Mellado arduratu dira sari banaketaz. Nabarmendu behar da Melladok egin duen azken sari banaketa izan dela. 2007a ezkero BKE saskibaloi saileko presidentea izan denak kargua utzi berri du Ion Beistegiren eskuetan.