Urriaren 8tik 12ra bitartean Topagune Sozialista egingo dute Altsasun. GKSk eta IAk antolatuta lau eguneko kanpaldia egingo dute: musika, hitzaldiak, tailerrak... izango dituzte.
Egitaraua eta autobusa
Topagunearen berri eman dute gaur iluntzean Bergaran, Gazte Egunaren barruan egindako aurkezpenean. Nabarmendu dute egitaraua hurrengo egunetan argitaratuko dutela. "Bailaratik autobusa jarriko dugu Altsasura joateko eta izena non eman behar den jakinaraziko dugu aurrerago", azaldu du GKSko kide den Joanes Plazaolak.
Gazte Egunaren helburua bikoitza izan da: batetik, Topagunearen berri eman; baina, bestetik: "Azkenaldian zaila izan da sozializatzea eta nahi genuen leku publiko bat eskaini jendea sozializa dadin".
Seminarioko patioan Lemak eta The Clayton taldeen musikaz gozatzeko aukera egon da gaurkoan.