16 urtetik gorako zortzi bikotek hartuko dute parte; horietatik bat Bergarakoa: hain zuzen ere, Saioa Galarragak eta Julen Murgiondok osatzen dutena. Gainerako parte-hartzaileak, Azpeitia, Lezo, Oiartzun, Sopela eta Legazpitik datoz. Eta epaimahaia Dantzari Biltzarrak izendatutako hiru kidek osatuko dute: Ane Anzak, Karlos de las Herasek eta Xabier Mendizabalek.
Sariei dagokienez, bikote irabazleak garaikurra, txapela, zapia eta 200 euro eskuratuko ditu. Bigarren bikoteak garaikurra eta 180 euro eta hirugarrenak garaikurra eta 170 euro.
Aurreratu bezala, dantza txapelketa irailaren 10ean, egubakoitza, izango da, arratsaldeko 19:30etan. Sarrera doan izango da eta Seminarixoko edukiera gehienez ere %60koa izango da, Osasun Sailaren araudiari jarraiki.
