Maijoku eta Angiolillo liburutegiak antolatuta, Eneko Azedo Adur jokoaren sortzaileak liburua aurkeztuko du hilaren 11n, 17:00etan, Bergarako kartzela zaharrean. Bertaratu ezin direnek irrati bidez jarraitu ahalko dute ekitaldia.
Adur euskal mitologian girotutako rol jokoa da; istorioak asmatzean datza eta jokalari bakoitzak pertsonaia bat irudikatzen du: basajauna, lamia, Mari… Jokoaren edukiak liburu baten daude bilduta, eta Eneko Azedo sortzaileak liburu hori aurkeztuko du zapatuan Bergaran.
Gainera, aurkezpenaz gain, jokatzeko aukera ere izango da kartzela zaharrean. Eta bertaratu ezin direnentzat saioa Txapa irrati librearen bidez (97.20FM) jarraitzeko aukera jarri dute.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
