Aurten ere, Bergaran ospatzen den San Martin feriak ez du hutsik egingo eta irailaren 11n egingo da. Ibargarai kalean jarriko dira postuak 09:30etik 14:30era.
Postua jarri nahi duten ekoizleek honako dokumentazio hau aurkeztu beharko dute:
- Postua jartzeko eskaera orria.
- Eskaera egiten duen pertsonaren identifikazio-agiria (NAN, AIZ edota pasaportea)
- Enpresaren IFK (identifikazio fiskaleko kodea), egindako eskaeraren produktuen salmentari dagokiona.
- Ekonomi Jardueren gaineko Zergaren alta (EJZ).
- Gizarte Segurantza eta Ogasunean egunean daudela ziurtatzen duen agiria.
- Osasuneko erregistro-zenbakia edo osasuneko baimena (giza kontsumorako elikagaien kasuan).
- Elikagaiak manipulatzeko txartela, edo baliokidea den ikastaroaren ziurtagiria, ontziratu gabeko produktuen salmentaren kasuan; bost urtetik gorako dokumenturik ez da onartuko.
- Nekazaritzarako ustiategiaren txartela, hala badagokio.
Honako helbide elektroniko honetara bidali beharko dira izen-emate orria beteta eta horrekin batera eskatutako dokumentazio guztia: ferixabergara@bergara.eus
Tramiteak burutzeko informazio gehiago hemen.
