Uztailaren 10ean, zapatu honetan, emakumezkoen hockey txapelketa izango da, Labegaraietan. Hiru taldek hartuko dute parte, alde batetik EAEko bi talde indartsuenak (Sumendi eta Burdinola) eta bestetik Espainiako Cochinillos Voladores, Salamancako taldea. Hiru partidu jokatuko dira, ordutegi honetan:
- 09:30 Burdinola - Sumendi
- 11:00 Burdinola – Cochinillos Voladores
- 12:30 Sumendi - Cochinillos Voladores
- 13:45 Sari banaketa
Arratsaldean, 3x3 emakumezkoen hockey txapelketa izango da, eta bertan, lau kategoriatan banatuko da lehiaketa (benjaminak, alebinak, infantilak eta nagusiak). 14:45etan hasita, 20:00ak bitartean izango dira partiduak, eta amaitzean, kamisetak eta garaikurrak banatuko dira.
Helburu garbia
Bergara Hiria emakumezkoen hockey txapelketako helburua urteroko bera izango da: Emakumezkoen hockeya sustatzea umeen, gazteen eta nagusien artean. Horrekin batera, egun ederraz gozatzea aurreikusten dute, eta bide batez, kirola eginez disfrutatzea.