Bergarako tabernari eta merkatariek, ekainaren amaieran burututako inkesta digitalaren bitartez helarazi dizkiote Udalari espazio publikoen okupazioaren udal ordenantza berritzeko dituzten ekarpenak.
Hiritik at enpresak eman zion landa lanari hasiera, eta tabernari eta merkatariek egindako ekarpenak aztertuta, beste kolektiboei ere prozesua zabaltzea aurreikusten da uztailaren 13rako deitutako bilera hauen bitartez.
Hiru saio ireki egingo dira; 09:00etan ostalariekin, 15:00etan merkatariekin eta 18:00etan herritarrekin. Urte amaierarako behin-betiko ordenantza prest egotea aurreikusten du Udalak.