Orain arte aldagela bakarra egon da pilotalekuan, baina espazio hori eta biltegia baliatuta, bi aldagela egingo dituzte. Udalak azaldu duenez "zaharkituta" zegoen aldagela eta ez zen "irisgarritasuna" bermatzen: "Aldagela bakarra egoteak gizon eta emakumeek aldagela erabiltzeko ordutegien kudeaketa zailtzen zuen. Halaber, era honetan, kirol egokitua egiten duten pertsonek ere aldagelak erabiltzeko aukera izango dute aurrerantzean".
Ekainaren 14an hasi ziren obrak eta irailaren 15erako amaitzea espero da. Construcciones Frixi SL enpresari esleitu zaio lana, 83.091,85 euroko aurrekontua aurkeztuta.