Bergaran bertako basoa zaindu eta berreskuratzeko helburuz sortu berri den taldeak auzolana deitu du hilaren 20rako. 10:00etan Seminarixoko patioan edo 11:00etan San Martzialen elkartzea da asmoa, San Martzialen bertan hainbat ekintza egiteko: txori habiak jartzea, zaborra jasotzea, adar eta enborrak pilatzea, zuhaitz, landare eta ekosistemako beste elementu batzuen identifikazioa egitea, basoa ezagutu eta txango txiki bat egitea eta Iturri putzua garbitzea.
Parte hartzeko izena eman beharko da aurrez, kukubasoelkartea@gmail.com helbidera idatzita –izen abizenak eta, umeen kasuan, jaiotze urtea jarrita–, Agorrosingo ekintza gunera joanda edo inprimaki hau beteta. Ekainaren 15a, martitzena, da izena emateko azken eguna.
Bestetik, Kukubasoko kideek azaldu dute hamaiketakoa eta arropa aproposa eramatea komeni dela, eta, ahal baldin bada, baita eskularruak ere.