Hogei urteko ibilbidea duen musikari eskarmentuduna da Ortega, eta bere taldearekin bi disko kaleratu ditu. 2015ean, Scat argitaratu zuen, taldeko buru, moldatzaile eta konpositore nagusi zela. Oraingoan, bere bigarren diskoa argitaratu du, beste formatu eta estilo erabat ezberdinean; Onin du izenburu, eta Lesakako errekari, bizitzari eta heriotzari eskainia da.
Abesti "dantzagarriak", oro har
Onin diskoaz galdetuta, hau zioen Ortegak maiatzaren 14an Puntua aldizkariari emandako elkarrizketan: "Diskoari izena ematen dion kantua Bolero begin da, baina ez nituzke guztiak zaku berean sartuko. Orokorrean, dantzagarriak dira, eta badu Espainian egiten zen kupletik eta Frantziako beste estilo batetik. Satira eta ironia duten kantuak dira, zerbait teatrala".
