Eguaztenean Gipuzkoako nesken lauterdiko txapelketako partida jokatu zuen Maddi Barrocalek, jubenil mailan, eta 22-2 irabaztea lortu zuen Zubizarretaren aurka. Egunean beste bi hitzordu hartu zituen frontoiak; Udaberri txapelketaren barruan, nagusien bigarren mailan, Aitor Bergara eta Beñat Iñarra aritu ziren, Alde Zaharra taldeko pilotarien aurka. Eguneko bigarren partidan berriz ere jokatu zuen Maddi Barrocalek, lauterdiko Gipuzkoako txapelketaren barruan, Arraizaren aurka.
Domekako hitzorduari dagokionean, eta kadete mailako Udaberri txapelketaren barruan, Urko Lozanok eta Peru Alberdik jokatuko dute partida, Gaztelekuren aurka, 10:30ean.