EKINola Etorkizuna zure eskuetan izeneko ekintzailetza jardunaldiak antolatu dituzte Miguel Altuna Lanbide Heziketa Institutuak eta Bergarako Udalak elkarlanean. Azaldu dutenez, autoenpleguaren inguruko sentiberatze lanketa eginez, enpresen eta ekintzaileen arteko harremana sortzea, elkar-ezagutza sustatzea eta negozio ideia berritzaileak partekatu eta lantzea dira helburuak.
Egitarauari dagokionez, ekainaren 7an, enpresetako ordezkariak joango dira jardunaldietara, enpresen eta gazteen ideiak eta erronkak bateratzeko eta ondorengo egunetarako landu beharrekoak adosteko. Hurrengo egunean, Miguel Altuna Institututik sortutako enpresa ekintzaile baten adibidea ikusiko dute parte-hartzaileek, eta ostean, ideien lanketa egingo dute taldeka. Bukatzeko, ekainaren 9an, Mankomunitateko Garapen Agentziako Teknikariak dirulaguntza eta baliabideen mapa azalduko ditu. Bestetik, antolatzaileek azaldu dute ideia irabazleari 1.000 euroko saria emango zaiola.
Izen-ematea ekainaren 3a baino lehen egin behar da urratsbat@maltuna.eus helbidera idatziz.