Pentekoste ez-jaiak aitzakia hartuta Herritik herrirako kultura mokadua saioa jaso du Bergaran, Goiena telebistak eta gaur emango du 18:00etan, 20:00etan eta 22:00etan. Maider Arregi kazetariak aurkeztuta Bergarako hainbat sortzaile izango dira protagonista.
Kulturari eskainitako saioa Seminarixoan grabatu da eta bina esku-hartze egingo dituzte Camden Town dantza akademiako kideek, Iker Hiriartek, Oihan Vegak, eta On the Go zein The Moodring taldeek.
Horrekin batera, Zirikatzen tarte berezia prestatuko du Aitor Agirianok, eta Jone Olabarriak gonbidatuta errezeta goxoa prestatuko du Tartufo jatetxeko Jon Ander Eizagirrek, aurretik Cruz Hermanos frutadendan egindako erosketekin.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.